HOFU YA UCHAGUZI SERIKALI ZA MITAA YAANZA KUTANDA MKOANI ARUSHA

Vuguvugu la uchaguzi wa serikali za mitaa limeanza  kutanda  katika  maeneo mbalimbali ya jiji la Arusha huku chama cha Demokrasia na maendeleo (Chadema) kikiitaka serikali na idara zinazohusika  kuwadhibiti   watu  wanaoanza  kuwapotosha  wanachi  kupitia  mitandao  ya  kijamii.

Katibu wa Chadema mkoa wa Arusha Bw. Kalst Lazaro amesema wakati  muda wa uchaguzi ukiendelea kukaribia baadhi ya mambo yanayoweza  kuleta malumbano yasiyo ya msingi yameanza kujitokeza likiwemo la  baadhi ya watendaji kupotosha na kuwachanganya  wananchi   juu ya daftari la wapiga kura na daftari  la wakazi.

 

Wakizungumzia tatizo hilo baadhi ya madiwani wa Chadema na pia wa  chama cha mapinduzi wamekiri kupokea malalamiko ya mkanganyiko  wa madaftari hayo na pia kuwepo kwa watu wanaoanza kuwapotosha  wananchi na licha ya kuwataka wananchi kuwapuuza wamezitaka idara zinazohusika kuwadhibiti watu hao kabla hawajaleta  madhara.

 

Arusha ni miongoni mwa mikoa yenye upinzani mkubwa wa  kisiasa na ambayo ina historia ya kuwa na heka kubwa wakati wa uchaguzi ambazo wakati mwingineimekuwa ikisababisha vurugu zinazopelekea  watu kujeruhiwa na hata kupoteza maisha.